„Ég einhvern veginn áttaði mig ekki á því hvað þetta er alvarlegt, fólk er virkilega að berjast fyrir lífi sínu, ekki bara aðeins betri lífskjörum. Vegna þess fór ég rosalega djúpt ofan í þetta og viðtölin urðu mjög intense,“ segir Karítas Sigvaldadóttir, mannfræðingur og ljósmyndari sem vann lokaverkefni í Ljósmyndaskólanum þar sem hún ræddi við og myndaði hælisleitendur sem búa á Ásbrú.

„Við erum í fyrsta lagi miklu heitari en allir í Mið-Ísland. Við vorum einmitt að spá, eru allir hlæjandi á Mið-Ísland uppistöndum því þeir eru svo ljótir? Eða hvað er málið?“ segir Salvör Gullbrá Þórarinsdóttir uppistandari. Hún treður upp á Hard Rock með uppistandshópnum „Fyndnustu mínar“ á laugardagskvöldið klukkan átta og segir að hópurinn komi með nýja orku inn í uppistandssenuna á Íslandi.