Í iðrum Háskólans, í  hinum víðfræga Stúdentakjallara, vex blómlegur og bústinn plöntuveggur sem lífgar upp á tilveru bugaðra nemenda skólans (á þeim dögum þegar bjórinn dugar ekki til). Veggurinn er aðallega hugsaður fyrir stúdenta sem geta aldrei með nokkru móti öðlast græna fingur og drepa hverja einustu plöntu sem kemur inn fyrir þeirra dyr. 

Áslaug Arna Sigurbjörnsdóttir er MA-nemi í lögfræði í Háskóla Íslands. 

Afar mikilvægt er að Íslendingar átti sig á þeim mannauði sem flóttamenn eru, hvað íslenskt samfélag mun græða á því að fá hingað fólk frá ólíkum menningarsvæðum sem og þeim áskorunum sem við þurfum að glíma við í sameiningu. Ein af þessum áskorunum er hvernig íslensk stjórnvöld, ríkisstofnanir og atvinnulífið hyggjast meta menntun og starfsreynslu þeirra flóttamanna sem hingað munu koma. 

Sum nemendafélög Háskólans búa við þann munað að eiga nytsamleg og skemmtileg nemendafélagsrými í hinum ýmsu byggingum skólans. Þeim fylgja oft fullbúnar lesstofur, skrifstofur fyrir stjórnarmeðlimi og svo eins konar setu- eða kaffistofur þar sem meðlimir félaganna geta slappað af, haldið hópavinnufundi og drukkið kaffi sem oftar en ekki er í boði nemendafélaganna.

Nemendur nýta sér í auknum mæli þjónustu Náms- og starfsráðgjafar á Háskólatorgi mánudags- og miðvikudagsmorgna milli 10:30 og 11:30. Tilgangur viðverunnar er meðal annars sá að vekja athygli nemenda á þjónustu  NSHÍ og vera sýnilegri í háskólasamfélaginu.

Jafnréttisdagar í Háskóla Íslands voru settir á mánudaginn var en þetta er í sjöunda sinn sem dagarnir fara fram. Hátíðin hefur aldrei verið umfangsmeiri en nú en allir háskólar landsins taka þátt á einn eða annan hátt. Viðburðir Jafnréttisdaga eru fjölmargir og fara þeir flestir fram innan veggja Háskóla Íslands.

Uppskriftabók - skáldverk er afrakstur námskeiðsins Smiðja: Á þrykk sem er í boði er fyrir nemendur HÍ á meistarastigi í ritlist og hagnýtri ritstjórn og útgáfu. Markmiðið með námskeiðinu er að fela nemendum hið krefjandi verkefni að gefa út bók.